Föstudagur 27. júní
Dagurinn fór í að undirbúa gögn fyrir dómnefnd norrænu umhverfisverðlaunanna, að útbúa bréf til ráðherraráðs norrænu heilbrigðis- og félagsmálaráðherranna vegna landamærahindranastarfsins og að passa Ingibjörgu Siv.
Fimmtudagur 26. júní
Kl.8-12 var fundur samstarfsráðherra Norðurlandanna á hótel Rangá.
Fundurinn gekk mjög vel en á honum voru samþykktar nýjar vinnureglur fyrir öll ráðherraráðin í Norrænu ráðherranefndinni og farið yfir fjárlög næsta árs í norræna samstarfinu.
Seinni partinn heimsótti ég Húna, Elínu og Ingibjörgu Siv.
Miðvikudagur 25. júní
Kl.14-16 var fyrsti fundur í Velferðarvaktinni í ráðuneytinu.
Skiptum við okkur í tvo undirhópa á fundinum og skipulögðum verklag okkar til áramóta.
Kl.16-17 var fundur með Dagfinn Höybråten, framkvæmdastjóra Norrænu ráðherranefndarinnar, í ráðuneytinu.
Um kvöldið lá leiðin á hótel Rangá.
Þriðjudagur 24. júní
Kl.11-13 var fundur með danska samstarfsráðherranum, Carsten Hansen, í ráðuneytinu.
Danir taka við formennsku af Íslandi í Norræna ráðherraráðinu á næsta ári.
