Föstudagur 2. nóvember
Kl.12 stýrði ég fundi Rótarýklúbbs Seltjarnarness, en að þessu sinni heimsótti klúbburinn Slysavarnarskóla sjómanna í Sæbjörgu við Austurbakkann í Reykjavíkurhöfn.
Veðrið var hrikalegt, enda búið að loka Sæbrautinni.
Okkur tókst samt að halda fínan fund í Sæbjörginni.
Um kvöldið hitti ég félaga mína sem útskrifuðust með mér í leiðsögumannanáminu í Endurmenntun Háskóla Íslands.
Einnig undirbjó ég mig fyrir kjördæmisþing framsóknarmanna í Suðvesturkjördæmi, en það er haldið í íþróttahúsinu á Álftanesi á morgun kl.10-16.
Fimmtudagur 1. nóvember
Kl.10:30 fór ég í viðtal.
Um hádegisbil flutti ég framsögu fyrir hönd velferðarnefndar Norðurlandaráðs á Norðurlandaráðsþinginu í finnska þinginu.
Mælti ég fyrir áfengis- og tóbaksvarnartillögunum, en þær eru 12 talsins.
Síðan voru greidd atkvæði um tillögurnar.
Níu voru samþykktar samhljóða, en þrjár með um 75% stuðningi.
Þetta voru einu tillögurnar sem greidd voru atkvæði um á Norðurlandaráðsþinginu að þessu sinni.
Aðrar voru samþykktar samhljóða.
Er ég nokkuð stolt af þessu því þetta þýðir að við gengum eins langt í tillögugerðinni og óhætt var.
Kl.17:30 var flug til Köben og kl.20:20 til Keflavíkur.
Þar með lauk ég þingmannsþátttöku minni á síðasta Norðurlandaráðsþinginu.
Hef ég sótt fjölmörg Norðurlandaráðsþing og hef sannfærst æ meir um mikilvægi norræns samstarfs, ekki bara fyrir Ísland heldur einnig fyrir öll hin Norðurlöndin.
Miðvikudagur 31. október
Kl.8 fundaði Íslandsdeild Norðurlandaráðs.
Kl.11:30 var fyrirspurnatími á þingi Norðurlandaráðs þar sem ég spurði danska samstarfsráðherrann um tvö mál, annarsvegar um barnabætur og hinsvegar um klámvæðinguna á netinu.
Rétt eftir hádegi fór ég í viðtal við Jóhönnu Vigdísi Hjaltadóttur, fyrir rúv-útvarp um áfengis- og tóbaksvarnarstefnu Norðurlandanna.
Kl.19 voru verðlaun Norðurlandaráðs veitt og veisla finnsku ríkisstjórnarinnar í kjölfarið.
Þriðjudagur 30. október
Kl.10 stýrði ég fundi velferðarnefndar Norðurlandaráðs.
Í hádeginu var boð finska forsetans í forsetahöllinni.
Kl.14:30 var þing Norðurlandaráðs sett.
Kl.18 var móttaka í íslenska sendiráðinu.
Kl.19:30 var hátíðarkvöldverður flokkahóps miðjumanna í Norðurlandaráði.
Mánudagur 29. október
Kl.10 hófst stjórnarfundur í flokkahópi miðjumanna í Norðurlandaráði.
Komst í hádeginu að hitta fulltrúa frá Evróuþinginu.
Kl.13 hófst fundur flokkahóps miðjumanna í Norðurlandaráði.
Kl.16:30 hófst ráðstefna þar sem Johan Strang kynnti bók sína, Norræn samfélög, sem fjallar um hvernig styrkja má norræna samstarfið.
Helgin fór í að undirbúa Norðurlandaráðsþingið og skoða Helsinki.
Komst meira að segja í poppmessu í steinkirkjunni frægu og gat fylgst með kosningasjónvarpinu.